ཁྲི་རལ་པ་ཅན།
༡༽ མེ་གླང་(ཕྱི་ལོ་༧༩༧)ལོར། མུ་ནེ་བཙན་པོ་དངོས་སུ་རྒྱལ་ཁྲིར་ཕེབས་ཏེ། རྒྱ་ནག་དང་ཞི་འདུམ་ཆེད་བློན་པོ་ནོན་སང་བཏང་ཡང༌། ཐང་ཏེ་ཙུང་གིས་ཞི་མཐུན་ཡོང་མིན་དེ་བོད་དམག་ཕྱིར་འཐེན་མིན་ལ་ཐུག་ཡོད་ཅེས་མ་གསན་པ་རེད།
༢༽ དེ་བས་བོད་དམག་གིས་ཅན་ཧྲན་རི་རྩེར་མདའ་དར་བཙུགས་ཏེ་དམག་བསངས་ཆེན་པོ་བཏང་ནས་མཱ་ལན་དང་ཐེ་ཏན་ཟེར་བའི་མཁར་གཉིས་བཅོམ།
༣༽ དེར་སོ་ཀྲའུ་ཞིང་ཆེན་གྱི་དམག་དཔོན་ཚའོ་ཀོ་ཧྲིས་དམག་འཐབ་བརྒྱབ་སྟེ་བོད་དམག་སུམ་བརྒྱ་ལྷག་བསད་མོད་མཐར་ཕམ་ཉེས་སུ་གྱུར། རྒྱའི་རྟ་དང་དམག་ཆས། འབྲུ་རིགས་བཅས་མང་པོ་བླངས།
༤༽ སྐབས་དེར་ཕོ་བྲང་ནང་ན་དེ་ལས་ཀྱང་ཟིང་ཆ་ཆེན་པོ་སློང་མཁན་ཞིག་ནི་ཡུམ་མེ་ཏོག་སྒྲོན་ཡིན། ཁོ་མོས་སྣ་ནམ་ཞིང་ལ་མ་དགའ་བའི་བསམ་དོན་འགྲུབ་མོད། ད་དུང་ཕོ་ཡོང་བཟའ་ལ་ཕྲག་དོག་བྱེད་ཀྱིན་ཡོད།
For the audio files